Green, «Çervenski» TƏM, Belarus

Bu yaxınlarda 4RM Systems komandası möhtəşəm bir layihəni başa çatdırdı: 7000 kv.m sahəsi olan hipermarketin ticarət avadanlığı ilə təchizatı. Bu, Minsk sakinləri üçün çoxdan gözlənilən və şəhər üçün əhəmiyyətli dərəcədə simvolik olan “Çervenski” TƏM-dəki Green mağazasıdır.

4RM 2015-ci ildən bəri MDB, Qafqaz regionu və Mərkəzi Asiya ölkələrinin bazarlarında açar təslim kompleks layihələr həyata keçirir, buna görə də bizim üçün bu cür miqyaslı ilk layihə deyildi.

İşlənib hazırlanmış 3D model üzrə avadanlığın yerləşdirilməsi və mağazanın zonalaşdırılması variantları təklif edildi.

Ticarət sıraları rəf sisteminin ümumi qabaritlərini artırmadan və keçid enini azaltmadan rəflərdə əlavə məkan əldə etməyə imkan verən relyefli orta divarlı rəf sistemlərindən formalaşdırılmışdır.

Rəflərin əksəriyyəti üçün daxili ön dayaq ayağı ilə gücləndirmə variantı seçildi. Bu, rəf sistemlərinə hətta maksimum yüklənmə zamanı belə dayanıqlığı qorumağa kömək edən və eyni zamanda birinci sıranın faydalı məkanını azaltmayaraq feysinqdə 1-2 SKU üstünlük təmin edən əlavə dayaqdır.

Alkoqol zonasında həm yüksək dayanıqlığa malik standart divar tipli rəflərdən, həm də içkilərin əyani nümayişini və asan əlçatanlığını təmin edən radial ada tipli rəflərdən istifadə olunur.

Kassa zonası üçün biz Mega və Nova seriyaları arasında keçid mərhələsi olan kassa bokslarını təklif etdik. Ergonomik kassa boksları konstruksiyanın etibarlı qorunmasını və uzunömürlülüyünü təmin edən paslanmaz poladdan konveyer ucluqları ilə təchiz edilmişdir. Modul konstruksiya bilavasitə mağaza qurularkən kassaların rahat daşınması və yığılması imkanını verir.